book, nagpur

अबब्...पुस्तकाचं शिर्षक तब्बल ३५५ शब्दांचं...!
पुस्तकाचं शिर्षक आकर्षक, हटके ठेवण्याचा प्रयत्न अनेक लेखकांचा असतो. नागपूरातील श्रीपाद वैद्य या कवीनेही असाच प्रयत्न केलाय. पर्यावरणावरील त्यांच्या कवितांच्या पुस्तकाचं शिर्षक तब्बल 355 शब्दांचं आहे. गिनीज बुक ऑफ रेकाॅर्डमध्ये त्याची नोंद व्हावी हाच त्यामगचा उद्देश होता.

या पुस्तकात असलेल्या कवितांचा अर्थही इंग्रजीतून सांगण्यात आलाय. यापूर्वी इटलीच्या एका व्यक्तीनं 290 शब्दांचं शिर्षक लिहलयं. त्यानंतर वैद्य यांचाच रेकाॅर्ड आहे. वर्षभरात झालेल्या रेकाॅर्डची नोंद गिनीज बुक मध्ये होत असते. मात्र, वर्ष पूर्ण होण्याआधीच भारतातीलच एका व्यक्तीनं वैद्य यांचा रेकाॅर्ड तोडलय. त्यानं तब्बल एक हजार ८६ शब्दांचं शिर्षक लिहलंय. ""इको इनोव्हेशन'' आणि ""स्पाॅटिनेटीस एनर्जी'' या विषयावर वैद्य यांनी लिहलेल्या पुस्तकाची लिम्का बुकनं नोंद घेतलीये. अमेरिकेच्या ""हुज हु इन द वर्ल्ड'' प्रकाशनानं देखील वैद्य यांचं कौतूक करत प्रमाणपत्र दिलयं