Bllokohen pikat kufitare me Greqinë

Për më shumë se 14 orë pika kufitare e Kakavijës u bllokua duke krijuar radhë të gjata me kalimtarë e automjete.

Qytetarët kanë bërë përgjegjëse qeverinë shqiptare për prishjen e pronave të minoritetit grek në Himarë për këtë situatë.

Ata thonë se të gjithë shtetasit e tjerë kalojnë përmes kësaj pike, ndërsa për ata që kanë pasaportë shqiptare autoritetet kufitare ndalojnë kalimin.

?Merr vesh ti, disa kalojnë, disa nuk kalojnë??

?Pa diskutim që është politike. Po përse të vuaj unë? Ç?punë kam unë me Himarën? Nuk po i kërkoj gjë, më ke dhënë një pasaportë, ja urdhëro?.

?Legendisen në parlament, shajnë njëri ? tjetrin, prishin Himarën e kush e paguan??

Në një njoftimin zyrtar, Policia e Shtetit njoftoi se problemi me ndalimin e kalimit në tokën greke ka të bëjë me prishjen e sistemit të kontrollit në të gjitha pikat e shtetit fqinj dhe jo vetëm me Shqipërinë.

Ministri i Punëve të Jashtme, Ditmir Bushati, ka vizituar qytetarët në Kakavijë dhe tha se defekti ka qenë i njëjtë edhe në Maqedoni, Turqi dhe Bullgari.

?Nuk e ka arsye të besojnë se është një çështje e qëllimshme?.

Por qytetarët kërkuan të dinë përse nuk janë njoftuar për këtë problem.

?Përse nuk jemi lajmëruar që mbrëmë, që gjithë ky popull të mos nisej nga shtëpia?.

Pas bisedës së ministrit Bushati me homologun grek Nikos Kotzias, problemi është zgjidhur dhe ka rifilluar qarkullimi. Pasaportat fillimisht do të skanohen dhe do të regjistrohen kur të rregullohet sistemi.

Tv Klan