bill for dna data base

ഡി.എന്‍.എ ഡാറ്റാബാങ്കുകള്‍ക്ക് പച്ചക്കൊടി


രാജ്യമെമ്പാടും ഡി.എന്‍.എ ഡാറ്റാബാങ്കുകള്‍ സ്ഥാപിക്കുന്നതിനുള്ള ബില്ലിന് കേന്ദ്രമന്ത്രിസഭയുടെ പച്ചക്കൊടി.



ഡി.എന്‍.എ സാങ്കേതികത ഉപയോഗിച്ച് ഫോറന്‍സിക്ക് ടെക്‌നോളജി ശക്തിപ്പെടുത്തുക എന്നതാണ് ഈ ബില്ലുകൊണ്ട് ലക്ഷ്യം വെയ്ക്കുന്നത്. ജൂലായ് 18ന് ആരംഭിക്കുന്ന പാര്‍ലമെന്റിന്റെ മണ്‍സൂണ്‍ കാല സമ്മേളനത്തില്‍ ബില്‍ അവതരിപ്പിക്കും. കാണാതായവരെ കണ്ടെത്തുന്നതിനും അജ്ഞാത മൃതദേഹങ്ങളള്‍ തമ്മില്‍ താരതമ്യം ചെയ്യുക, വന്‍ ദുരന്തങ്ങളില്‍ മരിച്ചുപോകുന്നവരെ കണ്ടുപിടിക്കുക തുടങ്ങിയ ആവശ്യങ്ങള്‍ക്കും ഡി.എന്‍.എ ഡാറ്റാബാങ്ക് ഉപയോഗപ്പെടുത്താമെന്ന് ബില്ലില്‍ പറയുന്നുണ്ട്. തികച്ചും രഹസ്യ സ്വഭാവമുളളതായിരിക്കും ഡിഎന്‍എ ഡാറ്റാബാങ്ക്. ഡി.എന്‍.എ വിവരങ്ങള്‍ ചോര്‍ത്തിയാല്‍ മൂന്ന് വര്‍ഷം തടവും ഒരു ലക്ഷം രൂപ പിഴയും ഈടാക്കും. വര്‍ഷത്തില്‍ നൂറുകണക്കിന് അജ്ഞാത മൃതദേഹങ്ങള്‍ ഉണ്ടാവുന്ന ഇന്ത്യയില്‍ ദേശീയ തലത്തില്‍ ഡി.എന്‍.എ ഡാറ്റാബേസില്ലാത്തത് ബുദ്ധിമുട്ടുണ്ടാക്കുന്നു.