Bejta rrëzon vendimin e Shehtanskit

Ministri i Pushtetit Lokal Nevzat Bejta rrëzon vendimin e Inspektoratit Shtetëror të vetëqeverisjes lokale, dhe kthen në rishqyrtim listën për përcaktimin e emrave të rrugëve, shesheve, urave dhe objekteve të tjera infrastrukturore në territorin e Komunës së Gostivarit. Rikthimi në shqyrtim është vendosur me pretendimin se nuk janë respektuar dispozitat e parashikuara në ligj.
"Ankesa e Komunës së Gostivarit, dorëzuar nëpërmjet kryetarit të Këshillit të Komunës së Gostivarit, pranohet. Vendimi i inspektoratit shtetëror të vetëqeverisjes lokale për ndalimin e zbatimit të vendimit për vërtetimin e listave për emrat e rrugëve në komunën e Gostivarit anulohet. ..Unë e anuloj vendimin e tij për shkak se nuk i kanë shqyrtuar mirë dokumentacionet të cilat i ka ofruar Komuna, por menjëherë kanë sjellë ndalesë për zbatimin e vendimit të Këshillit të Komunë së Gostivarit. Lista për përcaktimin e emrave të rrugëve në territorin e Komunës së Gostivarit e shpallur në buletinin zyrtarë të Komunë së Gostivarit kthehet në rishikim dhe të konfirmohet", tha Nevzat Bejta, ministër i vetëqeverisjes lokale.
Ministri Bejta gjithashtu njoftoi se emrat e parashikuar në listë janë të pranueshëm për dikasterin e tij, megjithatë kërkohet respektim i dispozitave ligjore gjatë procedurës.
"Lista e emrave të cilët janë përcaktuar, janë të pranueshme për ministrinë e vetëqeverisjes lokale, për shkak se këto emra personalitetesh të shquar si në aspektin kombëtar dhe kulturor, këtë listë ne e pranojmë, nuk kemi vërejtje te lista, vetëm e kthejmë në rishqyrtim dhe të konfirmohet dhe pasi ti kalojnë procedurat atëherë nuk do të ketë vërejtje, drejtori i inspektoratit të vetëqeverisjes lokale dhe do të vazhdojnë procedurat për tu ndryshuar emrat e rrugëve në qytetin e Gostivarit", deklaroi Nevzat Bejta, ministër i vetëqeverisjes lokale.
Vendimi i Komunës së Gostivarit për të riemërtuar në shqip disa nga rrugët e saj, nga fundi i shtatorit u shfuqizua nga Inspektorati Shtetëror i Pushtetit Lokal, nën arsyetimin se nuk kishte bazë juridike. Bedri Rexhallari