be be janat khaton dukhtar-e- mustfa s.a.w

مسلمانن جا حق
پيارا ڀائرو ! الحمدلله اسان سڀ مسلمان آھيون . اسان پنھنجي پياري پيغمبر، مدني منور ، عربي اطھر مٺي محمد ڪريم مٿان ايمان آندو آھي . ان ناتي سان اسان سڀ پاڻ ۾ ڀائر آھيون . اسان جا ھڪ ٻئي مٿان وڏا حق آھن جن جو ادا ڪرڻ اسان مٿان لازم آھي . اسلام رنگ ۽ روپ ذات ۽ پات جا ويڇا ختم ڪري سڀ ڪلمي گو مسلمانن کي وحدت اخوت ۽ ڀائيچاري جو سبق سيکاريو آھي . صحيح بخاري ۽ صحيح مسلم ۾ حضرت ابو موسيٰ اشعري رضي الله عنھ کان روايت آهي ته اسان جي سهڻي حبيب سھڻي سردار مٺي محمد ڪريم اِنَّ الْمُؤْمِنَ لِلْمُؤْمِنِ كَالْبُنْيَانِ يَشُدُّ بَعْضُهُ بَعْضًا وَشَبَّكَ اَصَابــِعَه ھڪ مؤمن ٻئي مؤمن لاءِ ھڪ ديوار وانگر آھي ھڪڙو ٻئي کي مضبوط ڪري ٿو پوءِ پاڻ پنھنجي ھٿن جون آڱريون ھڪ ٻئي ۾ وجھي ڏيکاريائون . جيئن ھڪ ديوار گھڻين سِرُن جو مجموعو آھي پر ھڪ سر ٻئي کي ڀاڪر پائي قرب ۾ پاڻ سان رَلائي بيٺي آھي تڏھن ديوار قائم آھي اگر ھرڪا سِرَ ڇڙوڇڙ ٿي وڃي ته ديوار جو وجود ئي نه رھندو. تيئن سڀ مسلمان پاڻ ۾ محبت ۽ اخوت اسلامي جو ڀاڪر پائي بيھن ته انھن جو دشمنن جي دل تي رعب پوندو .