Basha: Unitet ne 16 Mars

Xhelal Mziu: "I japim mirësardhjen Kryeministrit të Kamzës dhe gjithë Shqipërisë, ai do të jetë Kryeministër brenda vjeshtës së këtij viti".

Pas prezantimit nga kryetari i Bashkisë së Kamzës si Kryeministri i ardhshëm i vendit, Lulzim Basha zgjodhi pikërisht Xhelal Meziun si shembull për të treguar ndryshimin e vizionit mes të zgjedhurve të Partisë Demokratike që dinë të mbajnë premtimet dhe Edi Ramës që sipas tij gënjeu shqiptarët duke i zhytur në varfëri.

"Ja këto rrugë janë të shtruara, ne jemi në qendrën historike të Paskuqanit dhe ju e shikoni vetë. Ju e bëni vetë dallimin mes këtij njeru dhe atij që ju premtoi 300 mijë vende pune dhe çoi 500 mijë shqiptarë në emigracion".

Në takimin e zhvilluar këtë të shtunë, kryetari i PD u kërkoi banorëve të Paskuqanit të marrin pjesë masivisht në protestën e 16 Marsit për ta çuar vendin drejt një qeverie tranzitore që do të mundësojë zgjedhje të lira dhe të ndershme.

Kryedemokrati bashkëbisedoi për më tepër se 60 minuta me banorë e sipërmarrës të vegjël të Paskuqanit të cilëve ju premtoi se me ardhjen në pushtet do të ulë taksat, çmimin e energjisë elektrike dhe karburantit.