Bano Ali - Mazdoor Bachey

Peyare bacho aage barho,
Buraion se jang karo,
Peyar muhabbat dosti,
Baqae bahami, amn o ashti,
Leke yeh hathiar,
Ho jao tayyar.

Aage barh kar war karo,
Yeh hay jehalat isse laro,
Kardo ise barbad,
Ilm o aagahi zindabad,
Jug se sare andhere mitao,
Khud bhi parho auron ko parhao,
Shama jalao ilm o hunar ki,
Door andheron ko kardo.

Ghurbat aur iflas se larna,
Yeh bhi tumhara kam,
Jo apni tijori bharte hayn,
Kardo unhein nakam.

Nafrat ki deewar gira do,
Sabse muhabbat karna hay,
Jo nafrat karke jeete hain,
Unka jeena to marna hay.

Khatm karo dunya se dahshat,
Amn aashti aur muhabbat,
Insanon ke sath sath,
Har zeerooh se peyar karo.

Yeh jo per aur paude hayn,
Inko bhi to bachana hay,
Ye hayn hamare dost purane,
Sadion ke inse yarane.

Har bachey ko parhna hay,
Aur koi kam na karna hay,
Dekho agar ek bache ko,
Jo mazdoor hi karta hay,
Uske man auur bap ke pas,
Jao aur jakat unse kaho,
Taleem to bachon ka haq hay,
Yeh inse mahroom hayn keyun,
Inka haq inko de dein,
Bhejen inhein schoolon mein,
Inko parhna likhna hay,
Yeh bacheyaapke bache hayn,
Dekhen to kitne ache hayn,
Yeh khudbhi parhna chahte hayn,

To inko parhne likhne dein,
Aur inko aage barhne dein,
Bhejne inhein schoolon mein,
Huukme Nabi (saw) per amal karein.

Bano Ali

http://www.poemhunter.com/poem/mazdoor-bachey/