Aneuk Yatim

Aneuk Yatim
Deungo lon kisah saboh riwayat
Kisah baro that, baro that di Aceh Raya
Lam karu Aceh, Aceh timu ngon barat ngon barat
Di saboh tempat, tempat meuno calitra
Na sidroe aneuk jimoe siat at
Lam jeut jeut saat, saat dua ngon poma
Ditanyong bak mak, bak ma ayah jino pat, hai jino pat
Dilon rindu that, rindu that keuneuk eu rupa
Nyo mantong hudep meupat alamat
Ulon jak seutot, jak seutot oh watee raya
Nyo ka meninggai, meuninggai meupat keuh jirat, e jirat
Uloun jak siat, jak siat lon baca do’a
Udep di poma oh tan lee ayah
Loun jak tueng, upah tueng upah, lon bri bu gata
Ka naseb tanyo geutanyo kehendak bak Allah, bak Allah
Adak pih susah, susah tetap lon saba
Seu’eut le poma, aneuk meutuah
Kehendak bak Allah, bak Allah geutanyo saba
Bek putoh asa, hai asa cobaan Allah, ya Allah
Saba ngon tabah, ngon tabah dudo bahgia

Talakee doa, taniet bak Allah
Ubee musibah, musibah bek le trok teuka
Aceh beu aman, beu aman bek lee ro darah, ro darah
Seuramoe Mekkah, Mekkah beu kong agama
Seuramoe Mekkah, Mekkah beu kong agama…

( Lagu yang menceritakan seorang anak mencari bapaknya yang meninggal di peperangan atau secara garis besar mengenai kejadian pilu di aceh - A song that tells the story of a child looking for his father who died in the war or in general about the sad incident in aceh ).