Alice Cuenca - hagawhaw

Nagtagbaw ang miawas
nga gabonong linitok
sa hagawhaw'ng dalugdog
sa kahinam

Balak nga mihapuhap,
mikutaw sa hilom nga sapa...

Nikalat ang mansa sa kunsinsya,
buhawi'ng mitabastabas sa yuta
nga sa akong ubod milundag

Ang mga mata naghupot
sa gutlo sa kasayuran...
dili maaninaw ang matin'awng
sihag nga lawas sa yanong panan-aw
sama sa hangin, mabatyagan
apan dili makita

Tinamay, ang akong hagawhaw
sa halawom nga atabay.
Ang tumong nga masayran,
dili alang sa tanan

Alice Cuenca

http://www.poemhunter.com/poem/hagawhaw/