Akademia e Shkencave drejt rithemelimit

Muaji Mars është afati i fundit i vendosur nga kryeministri Edi Rama për riorganizimin e Akademisë së Shkencave. Nga institucioni i kërkimit shkencor kërkohet një rithemelim i tij, një strukturë mbarë shqiptare ku të përfshihen gjithë dijetarët e shkencëtarët që jetojnë përtej vendit, ndonëse akademikët e artikuluan si reformim te kërkimit shkencor.

?Duam të ruajmë një Akademi si një organ të pavarur, me autonominë e saj.?

?Jo më si një institut kërkimi shkencor, as si drejtori dikasteri, por si forum shkencëtarësh akademikë që kontribuojnë në strategjinë e kërkimit shkencor?, tha Akademiku Artan Fuga.

Kryeministri Rama: ?Që në emër ka një gjë që nuk shkon, na duhet një Akademi shqiptare, të ketë synimin, ambicien që të mund të përmbajë brenda vetes së vet të gjithë trurin.?

Nga buxheti për vitin 2018, i parashikuar 110 milionë lekë, Akademia e Shkencave do të përfitojë vetëm fondin për pagat, që në fakt përbën edhe pjesën kryesore të buxhetit.

?Do të bëjmë një shkurtim drastik të fondeve, ndërkohë do të ruajmë pjesën e financimit që ka të bëjë me ata që marrin një honorar apo një shpërblim, me një kusht, që kjo të përkthehet brenda marsit në një platformë rithemelimi?.

Kryeministri e quajti domosdoshmëri krijimin e një Fondacioni Kombëtar të Shkencave të Natyrës dhe Informacionit dhe veçanërisht fuqizimin e Qendrës së Studimeve Albanalogjike.

?Gjuha jonë kërcënohet drejtpërdrejtë, lloj-lloj matrapazësh të dijes marrin përsipër të sulmojnë një nga monumentet më të larta që ka ngritur shkenca dhe dija në Shqipëri. Madje-madje që të mos them se disa prej këtyre agresorëve vijnë nga gjiri i këtij Kuvendi.?