యాదాద్రి: పక్కా సమాచారంతో తనిఖీలు.. 700 కిలోల గంజాయి సీజ్

యాదాద్రి భువనగిరి జిల్లా చౌటుప్పల్ మండలం అంకిరెడ్డిగూడెం వద్ద చౌటుప్పల్ ఏసీపీ ఉదయ్ రెడ్డి, పోలీసు అధికారులు పక్కా సమాచారంతో గంజాయి తరలిస్తున్న లారీని పట్టుకున్నారు. మొత్తం700 కిలోల గంజాయి దొరకగా.. ఇద్దరు నిందితులను అరెస్ట్ చేశారు. పట్టుపడిన గంజాయి విలువ సుమారు 84 లక్షల రూపాయలు విలువ ఉంటుందని తెలిపారు. దీనిలో ప్రధాన నిందితులు అయినటువంటి ముఖేష్ పురాణ సింగ్ ఇద్దరూ పరారీలో ఉన్నట్లు తెలిపారు. నల్గొండ ఉమ్మడి జిల్లాలో మరో ఘటనలో కూడా గంజాయి పట్టుబడిందన్నారు. చౌటుప్పల్ ఏసీపీ కార్యాలయంలో ఇన్‌చార్జి డీసీపీ యాదగిరి ప్రెస్ మీట్ నిర్వహించి వివరాలు వెల్లడించారు.