5 grabitje ndaj blindave me para

Grabitja e kësaj të marte në aeroportin e Rinasit është e dyta që kryhet ndaj blindave me para të marra në ruajtje nga kompania "Nazeri 2000".

Furgoni i kësaj kompanie u sulmua edhe 3 vjet më parë në pistën e aeroportit të Rinasit. Më 30 Qershor të 2016 dy persona  hynë me makinë brenda rrethimit dhe nën kërcënimin e armës moren 1 milion Euro nga blindi i ?Nazeri 2000?. Për këtë ngjarje është shpallur në kërkim Aleks Pepa një nga autorët.

Por këto nuk janë ngjarjet e vetme ku sulmohen makina që trasportojnë valuta të  bankave. Më 13 Shkurt 2015 pranë stacionit te trenit gjatë kohës që kompania "Gjici" po ngarkonte paratë në blind u morën rreth 2.5 milion Euro. Autorët goditën dhe kërcënuan punonjësit duke u larguar me qetësi nga aty.

Më 3 Dhjetor 2015 në rrugën që të çon për në aeroportin e Rinasit në kryqëzimin e Laknasit u grabit një autoblind i kompanisë "Rogat". Katër persona të armatosur me uniforma policie nën kërcënimin e armëve morën 3.8 milionë Euro dhe u larguan në drejtim të paditur.

Dy vjet më vonë, më 9 Shkurt 2017 po në afërsi të kryqëzimit të Laknasit 5 persona të armatosur grabisin kompaninë e ruajtes fizike "Jaguar", e cila transportonte rreth 2 milionë Euro.

Të gjitha këto ngjarje u zbardhën nga prokuroria dhe policia. Më 25 Mars, Gjykata e Krimeve të Rënda dënoi me 104 vite burg 8 persona të cilët kishin marrë rreth 8 milionë Euro në 3 grabitje.

Tv Klan