10-vite NATO, Report Tv në anijen ushtarake

Së bashku me forca ushtarake edhe marina shqiptare është duke kremtuar 10-vjetorin e saj si pjesë e Aleancës së Atlantikut të Veriut NATO. Në kuadër të stërvitjeve të përbashkëta ushtarake me aleatët marina shqiptare është vizituar nga Evertsen Fregata e 4 e ushtrisë Holandeze dhe Fregata Toronto e ushtrisë kanadeze. ReportTv ka ndjekur nga bordi i Evertsen këtë stërvitje, ku për komandën e kësaj anije z. Sjoerd Feenstra ushtria shqiptare mbetet një aleat i rëndësishëm.

Gazetari Arsen Rusta: Ju jeni pjesë e NATO-s si dhe ne, sot keni bërë stërvitje me ushtrinë tonë në detin Adriatik, çfarë është kjo stërvitje?
Ky është një ushtrim se si të mbrojmë një grup anijesh, çka është e rëndësishme pasi jemi të gjithë pjesë e NATO-s dhe duhet të jemi në gjendje të mbrojmë njëri- tjetrin. Dhe duhet të praktikohemi çdo ditë. Është njësoj si një ekip futbolli me lojtarë të ndryshëm dhe duhet të trajnohemi. Anija është 14 vjeçare deri tani, kjo është një komandë ajrore Fregatë, pasi radarët tanë sistemi ynë është në gjendje të mbrojë hapësirën ajërore për aeroplan mbajtësit nga raketat dhe bombat. Sapo largohemi disa milje në det të hapur bazuar në tre kolona atë të përballjes me piratët luftimit asimetrik dhe mbushjes me karburant, nis stërvitja ushtarake në det të hapur.

Brenda kësaj anije, e cila ngjason me një bazë ushtarake të lëvizshme jetesa e përditshme shoqërohet me normalitet. Patëm mundësinë të shihnim nga brenda festimin e një ditëlindje, ku një prej ushtarakeve festoi 21-vjetorin, por pa të drejtë filmimi. Ndërsa në mesditë stafi na ftoi të drekonim së bashku me ta në mensën e ushtrisë. Por cila është jetesa këtu në 24 orë, kjo e treguar nga një prej ushtarakeve Holandeze, Femka e cila kujdeset për sektorin e komunikimeve në anije.

Suhtarakja Femka: Unë quhem Femka, kjo është pjesë e familjes time, më pëlqen deti, udhëtimet po ashtu familja ime ka qenë pjesë e një anije ushtarake. Jeta ime është midis detit e tokës, kam prej 6 muaj në det. Është një punë e vështirë, por e pëlqej, punoj në pjesën e komunikimit të anijes pas punës mund të shoh filma merrem me sport. Shqipërinë e kam vizituar për herë të parë është vend i bukur, ndoshta pas shërbimit ushtarak do të kthehem për ta vizituar. Për të rinjtë shqiptarë kam një mesazh, është krenari të shërbesh në anije ndoshta është puna më e mirë që mund të ekzistojnë.

Por cfarë është Evertsen?
Ajo është një anije luftarake në bordin e të cilës qëndron mbi 180 ushtarë duke nisur nga kapiteni i saj. E ndërtuar në vitin 2001 me një moshë 18 -vjecare, 14 vite ajo i kalon në dete dhe oqeane si pjesë e NATO-s. Pjesë e saj janë radarët e kontrollit të ajrit, armët luftarake automatik, mitraloz, top, raketat mbi 50 të tilla sic dhe shihni në këto pamje nëpërmjet reportazhit të përgatitur nga Report Tv dhe helikopteri.

Komandanti shpjegon për Report Tv ku e pyesim çfare është Evertsen për ju?
Evertsen është anija jonë , nje anije shumë e bukur, e cila ka në bord shumë profesionistë dhe ne jemi shumë të lu...